Premyo Bonds 2 ng Bureau of the Treasury

Sa panahong ito ng COVID-19 pandemic, marami sa atin ang nag-iisip kung paano makababangon mula sa krisis at kung paano haharapin ang walang kasiguruhang bukas. Marahil rin ay nasa pinakahuli sa listahan ng iba ang pag-iipon ngayong mga panahon. Ngunit kahit na humaharap tayo sa krisis ng pandemya, maaari pa rin tayong makapag-ipon at makapaghanda para sa mga darating pang panahon.

 Sa Facebook page ng Bureau of the Treasury, in-announce nila ang muling pag-offer ng Premyo Bonds. Ayon pa sa announcement, “bigger and better” ang Premyo Bonds 2.

https://www.facebook.com/TreasuryPh/photos/a.395115070638183/1782144958601847/?type=3&theater

Noong nakaraang taon unang in-offfer and Premyo Bonds. Ito ay isang short-term investment na may duration na isang taon. Sa Premyo Bonds 1, ang mga investor ay maaaring mag-invest ng minimum amount na PhP 500.00 na kikita ng 3% interest pagkalipas ng isang taon. Bukod dito, may chance ring manalo ang mga investors sa raffle. Sa bawat PhP 500.00 na investment, may isang raffle entry ang investor, na maaaring manalo ng cash at non-cash prizes sa quarterly raffles ng Premyo Bonds. Sa katunayan, sa quarterly raffle na isinagawa noong September 2020, isa ang nanalo ng PhP 1 Million at isang condominium unit mula sa Megaworld, 15 ang nanalo ng PhP 100,000.00, at 100 ang nanalo ng PhP 20,000.00, ayon sa report ng Philippine News Agency.

https://www.treasury.gov.ph/premyobonds/

 Noong July 2020, nag-offer din ang Bureau of the Treasury ng Progreso Bonds na may duration na limang taon at interest rate na 2.625% per annum upang makalikom ng pondo para sa pag-ahon ng bansa mula sa krisis ng COVID-19 pandemic.

Sa panahong ito ng pandemya na walang kasiguruhan, makakatulong ang mga ganitong investment upang makalikom ng pondo ang pamahalaan para sa mga programa laban sa COVID-19 pandemic at upang mapanatag ang ating kalooban na may naiipon tayo para sa mga susunod na taon. Sa pag-invest sa Premyo Bonds, hindi lang tayo makapag-iipon, maaari rin tayong manalo ng mga papremyo. At higit sa lahat, makatutulong tayo sa pagbangon ng bayan.

Antabayanan ang mga updates ng Premyo Bonds sa Facebook page ng Bureau of the Treasury (https://www.facebook.com/TreasuryPh/) at sa kanilang website (https://www.treasury.gov.ph).

Recto...sa mga Mata ng Isang Musmos

"Ooonnee huunndrreeeddd niiinneetyyy ffffiiiivvvee. Aaaalllwaaayyysss aa-vaaaaa-iiiii-laaa-bbllleee.... eeecooonooorroommms"
"Tabi diyan bata ka, paharang-harang ka sa daan!"

"Nasaan na ang ipinangako ng pangulo noong halalan? Bakit patuloy na kinakamkam ang ating mga...."
"Peeepppppppp... Peeeeeppppp..." "Wang wang wang wang wang....."
"I... ba...aagg...sak... aaanng... iiiimmm...peeeerrr...., ang bilis naman nilang maglakad,hindi ko nabasa."
"Hoy, sumama ka sa kanila, may bayad!"
"Magkano?"
"Isandaan."
"Ang tipid naman nila ngayon, dati tri hanred a."
"Marami yatang hakot galing probinsya, may ibinaba kanina sakay ng bus. Isandaan may kasamang t-sert."
"Sige mamaya. Pautang ng kendi!"
"Tang aling ka, bayaran mo yan."
"Re... e... ec... to... Recto! Aaaa...veeee....niiiii....daaaa... Avenida! Saan kaya sila ngayon?"
"O bosing mamaya na kayo umuwi, maraming bago sa loob, mamili kayo, mga bata pa!"
"Boss, ilang taon ang gusto nyo?"
"Boss, pasok lang sa loob, masaya ngayon diyan. Pare, malakas ngayon ah!"
"Holiday kasi pare. Pero sayang, hindi ako naka-dayoff."
"Ako rin eh. Di bale, double pay naman."
"Oo nga."
"Keee....eeeepppp Caaarrr....iii....eee...doooo... cleee....aaaannn."
"O laruan ate, kuya, singkwenta lang."
"Mag-ingat lang po tayo sa mga mandurukot. Ingatan po natin ang mga bag at pitaka."
"Ale, sampaguita po.'
"Kuya, kandila po."
"....ng ina mo ah! Tado ka, abusado ka. O itong bente, langya ka iniisahan mo pa ako. Hoy, matanda na ako dito sa Quiapo, nauna pa akong magtinda sayo dito."
"Excuse me, may I take your photo?. Great!"
"What does that mean? Mapeylad ang Philipeynas, neysa kaneyla ang beygong Jerusalem? You know what those words mean?"
"Dunno. Anyway, give these men a buck. Thank you very much sir!"
"At sinasabi ko sa inyo, sa panahong makita ninyo ang mga nasusulat na ito na nagaganap ay magalak kayo, sapagkat magaganap nang ang mga matuwid ay maililigtas. Kaya tayong lahat ay magsipaghanda, paputiin ang ating mga kasuotan. Sapagkat nasusulat, na darating Siya ngunit hindi natin alam ang oras at panahon, kaya nararapat na tayo'y maging handa!"
"Andito lang pala kayo, kanina ko pa kayo hinahanap."
"E bakit, saan ka ba galing?"
"Sa Recto. May mga naglalakad nga dun nakapula saka may dalang mga karatula, hindi ko naman mabasa ang iba."
"Sabi ng tatay ko, rali daw yun. Sumama sila ng tiyo ko dati sa rali, pambaon ko daw. Pag-uwi, may dalang pagkain, pero may pilay, pinalo daw ng pulis."
"Hindi ko alam ang rali. Pero dun sa nadaanan ko, may sumisigaw. Itinitinda pala ang babae?"
"Tado ka, bakit hindi ka sumilip sa loob? Sumilip kami dun dati, may babaeng sumasayaw, walang damit."
"Talaga?"
"Oo. Pero pinaalis kami ng gwardya, bawal daw ang bata dun. Para sa matatanda lang daw yun."
"Paglaki ko, papasok din ako dun, saka sasama rin ako sa rali para may pera. Sabi kasi ni Papa, baka hindi na ako mag-aral eh."
"Sama ka na lang tumambay samin lagi dito. Sa susunod, tuturuan ka namin magpalimos."
"Sige! Pero gusto ko sana mag-aral. Pangarap ko maging seaman!"
"Sabi ng nanay ko, ang pag-aaral daw ay para lang sa mayaman. Kapag mahirap ka daw sa Pilipinas, habang buhay ka nang mahirap, hindi ka yayaman!"
"A basta, yayaman ako. Mag-aaral ako at tutulungan ko ang ibang mahirap para wala nang katulad nating mahirap! Makikita ninyo kapag nakapag-aral ako kahit walang pera, babaguhin ko ang Pilipinas!"
"Ang taas ng pangarap mo, butas nga ang damit mo!"
"Oo nga. Mabuti pa, kumain na lang tayo."
"Saan?"
"Manghihingi tayo. Tara!"
"Oo kain na lang tayo! Halika na, kesa mangarap ka ng gising, ikain mo na lang yan!"
"Nangangarap nang gising? Makikita ninyo. Magsisikap ako. Mag-aaral. At balang araw, matutupad ang mga pangarap ko, at tutulungan ko ang iba, para wala nang katulad nating nabubuhay lagi sa hirap! Tara, kain na tayo!"

Pancit Habhab: Tatak Quezon

Pancit habhab ang isa sa pinakapaborito kong pancit. Lahat naman ng pancit ay gusto ko, pero iba ang appeal ng pancit habhab. Ang isa pa ay pancit Bato, na ifi-feature din natin sa ibang article. Una akong nakatikim ng pancit habhab sa Tayabas, Quezon noong 2013. Nasa field visit kami noon sa lumang simbahan at may nagtitinda ng pancit habhab sa labas. Simula noon, isa na ang pancit habhab sa mga paborito kong pagkain. 

May isa pang masarap na kainan ng pancit habhab. Sa may pagtawid ng kalsada galling sa simbahan ng Lucban, Quezon. Pero hindi naman ako laging nasa Tayabas o Lucban. Dito sa Metro Manila, ang mabibilhan ng pancit Lucban ay Buddy’s. Sila yata ang nagpasikat ng pancit Lucban ditto sa Metro Manila. Isang pagkakaiba pala ng pancit habhab at pancit Lucban ayon sa kaibigan ko, ang pancit habhab daw ay basa, ang pancit Lucban ay tuyo. Bukod doon, wala naman talagang pinagkaiba, dahil pareho lang naman ng noodles na ginagamit.

Kaya noong magkaroon ng pagkakataon na makabili kami ng longganisang Lucban at pancit habhab, bumili na kami. Perfect pair! Ang ginawa ko, niluto ko na katulad ng mga inilalako sa Tayabas at Lucban: yung walang ibang halo kundi sayote at walang ibang timpla kundi patis at yung suka na pampalasa instead na kalamansi.

Una, inihanda ko muna ang ingredients: longganisang Lucban, sibuyas, bawang, sayote, paminta, patis, at siyempre ay ang pancit habhab. Iyong sayote, hiniwa into sticks.
 

Sunod, blinanch ko ang sayote. Hindi pinalambot, blanch lang para medyo malutong pa. 

Isununod kong iblanch ang noodles. Hindi niluto, pinalambot ko lang para medaling iluto pagkagisa ng bawang at sibuyas. 

Sunod ay iprinito ko ang longganisa. Sa pagpiprito pala ng longganisa, una itong pinapakuluan sa kaunting tubig. Ang init ng tubig ang unang magluluto sa longganisa. Dahil malaking bahagi ng longganisa ang taba, maglalabas ito ng sariling mantika. Kaya kapag natuyo na ang tubig, pwede nang iprito sa sariling mantika ang longganisa. 

Sa mantika ng longganisa ko na rin ginisa ang bawang at sibuyas. Noong mabango na ang bawang at sibuyas, idinagdag ko na ang blinanch na pancit at nilagyan ng tubig, patis, at paminta. Dinagdagan ko ng tubig kapag kailangan, hanggang sa tuluyang lumamot at maluto ang pancit. 

Pagkatapos, inilagay ko sa ibabaw ang blinanch na sayote. At siyempre, may kapares na sukang may timpla. Ayos na ang pancit habhab at longganisang Lucban combo!